Three people don waka commot for this world wey we dey while
them carry 24 people wey get different kind of injury go hospital becos of one
accident wey happen with one trailer wey dey loaded with cow for along
Kalgo-Jega road inside the state.
The News Agency of Nigeria (NAN) talk say that trailer wey cow
full inside been dey move go lagos from Birnin Kenni wey be the state capital
when the accident come happen on Saturday afternoon
One person wey dey there wey see am as e take happen ,Saidu
Ibrahim, tell News Agency of Nigeria say the accident happen because the tyre
of the trailer been burst.
He come say the trailer wey dey loaded with other gods apart
from the cow and passengers start to somersault when one of the tyre been
burst.
Him talk say the driver of this trailer been lose control as him
dey try stop the trailer when the tyre burst, naso the place wey driver dey
stay commot for the other part of the trailer, naso the other part of the trailer
come scatter for ground.
The Public Relations Officer of Federal Road Safety Corps for
inside the state, Abdullahi Muhammad, confirm the accident, as him talk say
them done rush people wey injure go inside Medical Center for Kalgo.
Him come confirm say na three people waka commot for this world,
as 24 people dey hospital as him come talk say 7 cows too die from the
accident.
Las las him come talk say the driver been lose control when the tyre of the trailer been
burst
No comments:
Post a Comment