Man crushed to death on walkway, another loses leg as car rams into shops in Lagos

Three men wey just dey comot from club around NNPC depot for Ejigbo, Lagos State on Sunday night, wey them suspect say dey high. been loose control of their white Toyota camry wey them dey drive . Them come jam and kill on man, wey them say dey find work for Kudirat Adenekan Street, Oke-Afa for around 11:00p.m. another person wey dey stand for the road  break him leg.

We hear say this two victims been just dey waka on their own when this moto loose control come jam them, come also jam some shops before the moto come somersault three times come land for middle of the road.

As some people talk, they say the accedent happen because off say the boys wey dey the car don high. Some other people talk say na the break been fail, and say the moto been dey on high speed

Even though say the man wey this moto kill been see as the car been dey somersult, him come run comot for road go stand near the shop wey dey by the side of the road, but this moto still somersault come met am for there, come kill am.

Like play like play, this motor pin this man for the wall of the shop as people see this man as him open him eyes come take him last breathing.

people still try to comot the moto from him body, but e don too late as them see say him don die. As them check him pocket na him them see him cv for him pocket. Them come even discover say na three days ago him come lagos from Anambra state to find work.

According to person wey been dey there, them suspect say the boys wey drive this car na yahoo boys, and say watin supprize them na say this three boys no even get one wound for body. And before them say jack Robison, the boys don run.

People for the area been sharply call the emergency responds team wey been come carry the dead body go Isolo General Hospital mortuary, them also carry the car comot from where e been dey.

According to The Guardian we hear say the three boys been report them self to the Ejigbo police Station, and police them don lock them, as police dey continue their investigation ontop the mata.