Hmmm another wonder don
happen for lagos state o! Chinenye Ndubuife wey yesterday, take vex massacre her
neighbour 2-yr-old pikin, don talk say she do dis thing because the pikin papa
na him damage her womb… Chai!
We gather say Ndubuife,
wey dey live with her Mama for the same compound with the married man, Samuel
Promise, been don hit the pikin for wall with him head before she use big stone
take scatter am… Hia, people get mind o!
Na so the suspect come
carry the pikin body go dump am for inside toilet… According to our sources,
the suspect been dey bitter against the boy father as she hold am for mind because
na him papa make her do plenty abortions for am when dem been dey get secret
touch-touch relationship.
When dem catch her, the
woman tell police say she lost her womb because of the plenty abortions wey she
don do for Mr Promise and she been want make him also feel the pain and make
him spend money to treat him pikin…
She talk say na only small
wound she been wan give the pikin, but she no get choice but to dump him body
when she come discover say the pikin don die… Confirming the matter,
Police talk-talk person wey him name na
Chike Oti, talk say dem been report this matter for trinity police station and
dem go take am from there
No comments:
Post a Comment