Sokoto State Police Command don kill
two notorious kidnapers, cattle rustling and robbery suspects, including one
ward head for Gidan Bunu village for Rabah Local Government.
Na like Nineteen suspects, including
one woman, na him them arrest for one villages across Goronyo, Rabah and Illela
local governments.
The Items weh them recover from the
suspects include 251 sheep, 69 cows, 29 camels, 98 blankets and seven wrapper.
This ward head weh don die now,
Alhaji Adduwa, been be one of the member
of this group, weh do shoot me I shoot you with police as them come kill am wen
him the try to escape.
Other suspect weh die na Aliyu Abdullahi,
them shoot am as him the try too to escape for Gawon Fulani village for Rabah
Council, him come later died for hospital.
For on tori meeting for Sokoto
yesterday, the talk talk person for the command, DSP Cordelia Nwawe, as them
the parade the suspects, she say the ward head die for hospital as him the
receive treatment for the gun wunjury weh him get as them the do shoot me I
shoot you with police tactical operations team.
“Abdullahi them arrest am for Gawon
Fulani village with AK47 rifle weh dey loaded with 30 rounds of live ammunition
with extra magazine.
Nwawe also confirm the arrest of one
gunrunner, Lawali Aliyu, for Araba village inside Illela Local Government.
She say the suspect, them gbap am
with AK47 rifle as him the try to smuggle am enter Sokoto, Zamfara and Kebbi
states so that him go fit distribute am to the members of their gang.
“Him confess say him receive the gun
from one Dankani, aka America, to go deliver am to Ramatu Muhammad for Tursa
village inside Rabah Local Government. Him the get him stock from Ibrahim Galmi
from Niger Republic and him don get hand for plenty plenty number of kidnapping
and robbery operations.
“Ramatu na elderly woman, weh na she
be the person weh dey keep gun for all this bad gang.”
Nwawe say them arrest Madugu Haruna
as na him be the person in charge of transport as him the give him okada to the
late Adduwa to the move the products.
She still talk say the command tanda
gidigba for any criminal, she still add say: “ them go continue to make Sokoto difficult for all
criminals so that them no go see way do their operations.”
No comments:
Post a Comment