The Independent Corrupt Practices and Other
Related Offences Commission (ICPC) don charge one Deputy Director wey dey with
the Federal Character Commission (FCC), wey him name na Mr. Ahmad Balarabe go
court as them talk say him don scam people way dey look for job of 8.8 million
naira.
The Commission, for two-count charge wey them
bring before Justice Bello Shinkafi, for Zamfara State High Court,
Gusau, talk
say Mr. Balarabe use corney corney collect big money from people wey dey find
job as him promise say him go give all of them job for the Federal University,
Gusau and other federal government agencies them.
ICPC been tell the court say when the accuse
been dey work as acting State Coordinator, FCC, for October, 2014, him been
collect 8.8 million naira from plenty people wey dey find job and him collect 970,
000.naira from one Lawali Sule Garba and him friends as financial commitment to
process the job.
According to watin the Commission talk, them
talk say him offence violate Section 1 (1) (a) of the Advance Fee Fraud and
Other Related Offences Act, 2004 and e dey punishable under Section 1 (3) of
the same Act.
The Deputy Director wey be the head of Public
Enlightenment, Media and Mobilisation Department of FCC, been talk say him no
dey guilty. him lawyer way him name na A. Abubakar, don tell court make them
give him client bail.
Mashkur Salisu, wey be Counsel to ICPC say, even
if court go give am bail, make court remember say this kind offence dey come
with about 20 years for prison
The Judge, been come talk say the bail na N20
million naira with two guarantors wey get that kind money self. And them must
get land property for Gusau, wey reach N30 million naira. The judge also talk
say the accused go drop him international passport with the court.
Justice Bello come say make Balarabe still go
lodge for Gusau Central Prison first, before them meet the bail condition.
No comments:
Post a Comment