The Niger Police
Command don arrest One 40 years old
okada man wey him name na, Salisu Abdullahi, wey them say kidnap one 3 years
old pikin for Dutsen-Kura Gwari for Minna, wey be the state capital.
We hear say the mama of
the pikin been tell the okada man say make him carry the girl go Police
Children School wey no far from the house. But instead the okada man been carry
the pikin run.
For one interview with
Northern City News on Sunday, Abdullai talk say him no know watin make am do
this kind thing. Say e be like say na remote control them use ontop am.
Him talk say, I been
wan try watin other kidnappers them dey do to make sharp sharp money, but the
thing no work for me. I been believe say Kidnapping na very sharp way to make
money, but I no know say them go catch me quick quick.
“truly truly I no know watin make me do this
kind thing. Why I go kidnap 3 years old pikin? This thing wey I do dey very
wicked. I just dey pray say make Allah forgive me
The talk talk person
for the police command way him name na Mohammad Abubakar talk say the okadaman don confess and him don write
full statement on how him take kidnap the pikin..
Abubakar talk say the police go do everything
wey them fit do to to continue to dey make the state dey safe for people to
live
No comments:
Post a Comment