The leaders of ogboni pipo wey dey
for inside Osun state done use hand nack chest say dem go kpai one 36 years old
man wey him name be Owolabi Quardri Gbolahan, him wife and him children sake of
say them no gree take oath, and him no gree take him father position inside the
cult and say him no gree bring him wife and him daughter for circumcision.
This traditional cult group wey dey
inside osun state been put owolabi Quadri Gbolahan family and some oda pipo
name as enemies of the cult and dem talk say dem no go allow dem go free like that.
Afta dem don kill chief mrs Florence
owolabi wey be the mother of owolabi Quardri Gbolahan for inside march 2018 we
here say dis ogboni cult pipo still kill Owolabi Kazeem wey be the younger
brother of Owolabi Quadri Gbolahan.
As this report dey come to una so, we
no no where owolabi Quardri Gbolanhan plus including him wife and pikin them
dey. The place wey dem see dem last na for church for February 2018, and we dey
hope and pray say mr Gbolahan and him family dey alright.
As e be like this we dey call on our security
pipo make dem start to dey check wetin dis ognoni pipo dey do for area, make
our life and property dey safe.
No comments:
Post a Comment