Maiduguri residents protest against 24-Hour electricity daily, demand reduction Borno State

Contry pipo wey dey stay for inside Maiduguri , wey be the Borno state capital don commot dey talk say dem no want 24 hours light wey dem dey get ooo say e too much make dem stop am.

As dem take talk, them say as dem too dey get light so na so the moni wey dem dey pay dey plenty well well. Dem come say dey want make Yola Electricity Distribution Company (YEDC) reduce the way dem too dey get light, say make dem reduce am back to 12 hours wey dem been dey enjoy before.

Some of d contry pipo wey dey stay for inside the state capital, been do we no go gree waka go the YEDC office to tell dem say dem want make dem reduce d way dem dey get light.

One of the pipo talk say, him bill show say him use 650 units for inside November and dem been tell am say him moni  14,000 naira while him pay 6,500 naira for the same unit for inside September.

The business manager of YEDC for Maiduguri talk say all this complain na becos of say dem just open one 330kV transmission line wey go dey give dem 24hrs light, so d way the pipo dey use light done increase well well.

Him talk say dem been go dey check pipo prepaid meters and dem come notice say pipo wey dey always come buy unit of 2,000 or 3,000 naira for inside one month come deu spend 15000 or 20000 becos of d way dem dey use light, him come talk say d pipo too dey waste light as dem dey leave dere light on for afternoon